Gipugos sa Toronto Raptors ang serye ngadto sa tinaktakay nga Game 7 human mapukan ang Cleveland Cavaliers, sa iskor nga 112-110, pinaagi sa krusyal nga tres ni RJ Barrett sa nahibiling 1.2 segundos sa overtime.
Bisan pa man sa paghabwa sa Raptors og 11 ka puntos nga labaw sa ikaupat nga quarter, nakalahutay gihapon kini tungod sa tabang ni Scottie Barnes nga mipupo og 25 puntos ug 14 assists, uban sa suporta nila Barrett ug Ja’Kobe Walter nga pulos adunay tag-24 puntos.
May kahigayonan matud pa ang Cleveland nga makuha ang daog apan wala mosulod ang 3-point attempt ni Evan Mobley sa pagkaupos sa oras.
Tungod niini, mabalhin ang aksyon sa balwarte sa Cleveland alang sa nakatakdang Game 7 karong adlawa, diin malaumon si coach Kenny Atkinson nga mobawi gamit ang ilang home-court advantage.
Sa pagkakaron, ang maong playoff series nagpakita og dominance sa mga home team sanglit wala pa’y nakadaog nga bisita sa tanang unom ka dula nga nangagi.