UN, gikabalak-an ang kapin 130,000 ka nanghikling tungod sa pag-atake sa Yemen

Gikabalak-an sa United Nations ang nagkadaghang ihap nga nanghawa gikan sa Yemen tungod sa pag-atake sa Houthi rebels.

Kapin 130,000 na ang nanghikling gikan sa ilang mga pinuy-anan sukad misugod ang grabeng pag-atake niadtong Agosto, sumala sa UN Refugee Agency.

Base sa World Health Organization o WHO, 959 na ang namatay ug 4,207 ang nasamdan sa Yemen gikan Agosto hangtod Oktubre.

Misaka usab ang mga kaso sa cholera tungod sa nagpadayong panagbangi sa maong nasud.

Samtang gipakusgan sa Houthi rebels ang ilang mga pag-atake tungod sa ilang tinguha nga makontrol ang gobyerno sa Yemen.