Usa ka lalaki sa Hungary ang nakabaton og Guinness World Record human makatigom og 2,000 ka lain-laing lata sa energy drinks gikan sa kapin 40 ka nasod.
Si Gergő Borbély nagsugod sa iyang koleksiyon niadtong 2008 human makapalit og usa ka lata sa energy drink samtang nagpuyo sa dormitoryo.
Sa sinugdan, mga 15 lamang ka lata ang iyang gitipigan, apan nidaghan kini tungod sa iyang pagbiyahe sa Japan, Estados Unidos ug Europe.
Lakip sa iyang talagsaong koleksiyon ang lata sa Michael Jackson Mystery gikan sa dekada 1990 ug usa ka karaang Guarana energy drink nga gihimo pa sa Yugoslavia.
Opisyal nga nakumpirma ang rekord ni Borbély niadtong Abril 9, 2026, nga hapit doble sa kanhing rekord nga 1,100 ka lata.
Bisan nakab-ot na ang rekord, wala pa siya magplano nga mohunong sa pagkolekta.