Gipatin-aw sa depensa ni Vice President Sara Duterte nga wala na mahinumdoman sa bise presidente ang usa ka BPI joint account nga nakapangalan kaniya ug sa iyang amahan nga si kanhi Pangulong Rodrigo Duterte.
Gikwestiyon kini ni Senator-judge Risa Hontiveros kang defense counsel Michael Poa human mitumaw sa impeachment trial ang mga rekord sa maong account.
Nunot niini, gihangyo ni Hontiveros si Poa nga klaruhon ang posisyon sa depensa bahin sa giingong kakulang sa recollection ni VP Sara Duterte ug sa iyang partisipasyon sa mga transaksyon nga nagkantidad og milyon-milyong piso pinaagi sa maong joint account.
Matud ni Poa, ang tumong sa ilang sulat ngadto sa bangko mao ang pagkumpirma kung anaa ba ang maong mga account ug, kung anaa, ang pagkuha sa mga dokumentong may kalabotan niini.
Samtang, nakita nga adunay pipila ka aktibong bank accounts sa BPI nga nakapangalan kang Vice President Sara Duterte, Atty. Manases “Mans” Carpio, ug uban pang joint accounts nila ni VP Sara ug sa iyang amahan nga si kanhi Pangulong Rodrigo Duterte.
Nabutyag usab nga kapin 34 ka closed individual accounts ang narehistro sa bank management nga nakapangalan usab sa maong mga account holder.