Hugot nga gihuptan sa delegasyon sa One Asenso Misamis Occidental ang unang pwesto sa partial ug unofficial medal tally sa nagpadayong Northern Mindanao Regional Athletic Association (NMRAA) Meet 2026, sa ikatulong adlaw sa maong kalihukan, Marso 21 ning tuig, base pinakaulahing update sa tally takna mga 9:35 sa buntag.
Sumala sa datos alang sa Regular Sports, ang Misamis Occidental nakatigom na og kinatibuk-ang 45 ka medalya, nga gilangkuban sa 19 ka gold, 13 ka silver, ug 13 ka bronze.
Kini naghatag kanila og dako nga labaw batok sa ubang mga delegasyon sa rehiyon.
Gisundan kini sa D’Millers Valencia sa ikaduhang pwesto nga adunay total nga 27 ka medalya diin gilangkuban sa 9 ka bulwan, 11 silver, 7 bronze, samtang ang Bukidnon Zeal ug Sarimanok Racers Lanao del Norte nag-ilog sa tunga-tungang bahin sa ranking nga adunay 16 ug 12 ka mga medalya.