Gihugtan pa sa Department of Education (DepEd) Division of Malaybalay ang seguridad sa tanang tunghaan sa dakbayan pinaagi sa pagpatuman og mas estriktong pagsusi sa kagamitan sa mga estudyante ug pakig-alayon sa kapolisan ug pamunoang lokal.
Sa pakighinabi sa Bombo Radyo kang Dr. Cherry Mae L. Limbaco, Schools Division Superintendent sa DepEd Malaybalay, gipahayag niini nga nagpadayon ang regular nga pagsusi ug random bag inspection sa mga tulunghaan, labi na sa mga dagkong sekondarya sama sa Bukidnon National High School nga adunay hapit 11,000 ka mga estudyante.
Dugang pa ni Dr. Limbaco, nagpahigayon na usab sila og mga simulation exercise uban sa Philippine National Police (PNP), City Mayor’s Office, ug mga barangay kapitan alang sa kaandaman sa emerhensya. Gawas sa mga watchman nga gi-pondoohan sa lokal nga kagamhanan, nagpaimprenta usab og mga lisensyadong blue guards ug Barangay Peacekeeping Action Teams (BPATs) aron masiguro ang kaluwasan sa mga kabataan sulod ug gawas sa tunghaan.