Gilauman ang laing hugna sa pagsaka sa presyo sa lana, ilabi na sa diesel, sa sunod semana tungod sa nagpadayong tensyon sa Middle East.
Base sa monitoring sa Mean of Platts Singapore (MOPS), ang diesel posibleng mosaka og P11 hangtod P12 matag litro, samtang ang gasolina mahimong mosaka og hangtod P3 matag litro.
Tungod niini, ang presyo sa diesel mabanabana nga moabot sa P118 hangtod P146.30 matag litro, samtang ang premium diesel mahimong mopalabaw sa P150 ang presyo.
Bisan pa man niini, gipasalig ni Presidente Ferdinand Marcos Jr. nga adunay igong suplay sa krudo ang nasud hangtod sa Hunyo 30, 2026.
Padayon usab ang kagamhanan sa pagpangita og mga alternatibong tinubdan sa lana aron maseguro ang kalig-on sa suplay taliwala sa pag-usab-usab sa presyo sa kalibutanong merkado.