Gipaulanan og mga ballistic missile sa Iran ang mga nasod sa Bahrain ug Kuwait, nga nailang mga kaalyado sa Estados Unidos, niadtong Sabado.
Gihimo sa Iran ang maong lakang isip dinaling tubag human usab gipang-atake sa puwersa sa US ang ilang mga coastal surveillance radar sites ug gipahagsa ang upat ka mga attack drone niini sa Strait of Hormuz.
Sumala sa U.S. Central Command (CENTCOM), pito ka mga ballistic missile ang gilusad sa Iran paingon sa maong duha ka nasod, diin unom niini ang malampusong naharang habig sa depensa sa Amerika samtang ang usa wala kaabot sa iyang destinasyon.
Hugot nga gikondina sa Bahrain ug Kuwait ang maong aksyon, diin gitawag kini sa Bahrain—nga maoy nahimutangan sa headquarters sa US Fifth Fleet—nga usa ka tataw nga agresyon, samtang giisip usab kini sa Kuwait isip usa ka delikado nga eskalasyon sa panagbangi.
Kini nga kalamboan dugang naghatag og dakong hulga sa huyang nga ceasefire o kasundalohan sa kalinaw nga unang nasabutan niadtong Abril 8, dungan sa pagkab-ot sa halos ika-100 nga adlaw sa nagpadayong gubat sa rehiyon.