Gibawi na sa Department of Agriculture ang temporary ban sa importasyon sa poultry gikan sa Argentina human gi-report nga nasulbad na ang outbreak sa Avian Influenza sa maong nasud.
Sumala sa DA, wala na’y bag-ong kaso sa bird flu base sa report sa ilang veterinary authorities ug sa World Organisation for Animal Health.
Tungod niini, gitugotan na pag-usab ang importasyon sa live poultry, karne sa manok, day-old chicks, itlog, ug semen sa manok gikan sa Argentina, basta mosunod sa kasamtangang regulasyon.
Matud pa sa DA, gihunong nila kaniadto ang importasyon human maapektuhan ang Buenos Aires sa outbreak niadtong Pebrero.
Apan karon, sigon sa ahensya nga ubos na ang risgo sa kontaminasyon, busa giablihan na pag-usab ang trade sa poultry products gikan sa maong nasod.