Misaka na sa 6 ang kumpirmadong patay sa disgrasya sa Purok-4, Lurugan, Valencia City, Bukidnon, pasado ala una sa hapon niadtong Pebrero 8, 2026.
Namatay ang usa ka Senior Citizen nga lalaki, pasyente nga gidala sa balay-tambalanan sa Cagayan de Oro City ug nadamay samtang sakay sa motorsiklo nga gimaneho sa iyang anak, nga anaa usab sa ospital sa Malaybalay.
Gikatahong sa kadlawon sa Pebrero 9, 2026, nakabsan sa kinabuhi ang biktima samtang ginaatiman sa Northern Mindanao Medical Center (NMMC).
Sa pagkakaron, ang unom ka namatay naglakip sa tulo ka babaye ug tulo ka lalaki, diin lima niini mga trabahante sa pinyahan, samtang nagpadayon pa ang pagpaalim sa tulo ka biktima lakip ang 22-anyos nga anak sa namatay nga Senior Citizen.
Kahinumduman nga sa inisyal nga impormasyon, sa pakighinabi na usab sa Bombo Radyo Malaybalay kang June Ray Valero, hepe sa City Disaster Risk Reduction and Management Office (CDRRMO, lima ang namatay — tulo ka babaye ug duha ka lalaki, samtang tulo ang anaa sa kritikal nga kahimtang ug padayon pang nagpaalim sa balay tambalanan. Â
Dugang pa ni Valero, ang lokal nga kagamhanan ug CDRRMO nagpadayon sa pagtabang sa mga biktima ug sa pagproseso sa ilang panginahanglan samtang giimbestigahan pa ang hinungdan sa aksidente.