Walay bisan unsang finding o konklusyon nga makapamatuod nga sad-an o guilty si kanhi House Speaker Martin Romualdez.
Kini ang gipahayag ni Atty. Ade Fajardo, abogado ug tigpamababai ni Romualdez, base sa Referral nga gisumite sa Independent Commission for Infrastructure ngadto sa Office of the Ombudsman.
Matud ni Fajardo, nagpakita lamang kini sa patas nga proseso ug gisugyot niini nga buot nilang ipaabot nga ang Ombudsman gihapon ang adunay katapusang gahom sa paghusay sa isyu og tukmang silot.
Kabahin niini, kumpyansa ang kampo ni Romualdez nga ang Ombudsman mogahin og independent ug hugot nga pagsusi sa tanang dokumento ug ebidensyang gisumite alang sa hustong pagtagad sa isyung giatubang sa kanhi opisyal.
Dugang pa ni Fajardo, natapos na sa ICI ang mandato niini sa pagtigum og impormasyon ug gipasa na ngadto sa buhatan sa Ombudsman ang tanan nilang nakolektang ebidensya, lakip ang gisumpaang pamahayag ni Romualdez, kompleto nga transcript, ug full audio-video recording sa iyang boluntaryong pagsalmot sa pagungog niadtong Oktubre 14.