- Advertisement -
Kasamtangang nakatingkagol sa bilanggoan ang usa ka 27-anyos nga lalaki human masikop sa gikasang buy-bust operation sa Purok 2, Poblacion, Cabanglasan niadtong Mayo 10.
Matod pa sa kapulisan, nasikop ang suspetsado alas-8:20 sa gabii human malit-ag sa mga otoridad. Nasakmit gikan sa maong indibidwal ang tulo ka sachet sa gidudahang shabu nga motimbang og 1.1 gramos ug adunay kantidad nga ₱7,480. Narekober usab ang marked money ug uban pang paraphernalia nga gigamit sa ilegal nga aktibidad.
Ang pagkalambigit sa suspetsado sa ilegal nga droga dakong hinungdan sa pagkapasaka sa kasong paglapas sa Republic Act 9165 o Comprehensive Dangerous Drugs Act of 2002.
- Advertisement -