Nagpabiling tensionado ang sitwasyon sa Southern Lebanon human nagpadayon gihapon ang grabeng sinukliay sa bala ug pinusilay tali sa militar sa Israel ug sa grupong Hezbollah, bisan pa man sa bag-ohay lang nga gipirmahan nga kasunduan sa usa ka ceasefire o tigil-putukan.
Sumala sa mga taho, naglunsad og sunod-sunod nga pagpangatake ang tropa sa Israel batok sa giingong mga tagoan sa Hezbollah nga nilapas sa maong sabot. Sa pikas bahin, mibawos usab ang Hezbollah ug mipasangil nga ang Israel maoy unang milapas sa kasunduan human kini nanghasi sa mga dapit nga sakop sa Lebanon.
Tungod niining wala moundang nga kagubot, nagpabiling nameligro ang kinabuhi sa mga sibilyan sa maong lugar. Nagpadayon usab ang paningkamot sa mga internasyonal nga tigpataliwala (mediators) aron mapugngan ang hingpit nga pagkahugno sa maong kasunduan sa kalinaw ug malikayan ang dugang nga dugo nga mayabo.