Gisibog sa Sandiganbayan ngadto sa laing petsa ang pormal nga arraignment batok kang Senador Jinggoy Estrada ug kanhi Public Works Undersecretary Emmanuel Bonoan may kalabutan sa ilang giatubang nga kaso.
Kini human gihatagan sa korte og dugang higayon ang kampo sa mga akusado nga makasumite sa ilang mga legal nga mosyon sa dili pa sugdan ang pormal nga bista.
Kahinumduman nga si Estrada una nang gidakop sulod mismo sa hawanan sa Senado tungod sa kasong plunder o pagpangurakot kalabot sa nabisto nga “flood control scandal.”
Samtang, pasado ala-1 sa hapon kagahapon, Hunyo 2, gipagawas si Bonoan gikan sa PNP General Hospital aron unta motambong sa arraignment ug alang sa return of warrant sa iyang kaso. Apan human sa pagka-postpone, dinalian kining gibalik sa tambalanan human pormal nga nagsumite ang iyang kampo og mosyon nga naghangyo nga ipaubos kini sa hospital arrest.