Patay ang upat ka tawo samtang pipila ka mga panimalay, hotel ug mga kabtangan ang nangaanod human sa pila ka adlaw nga pagbaha sa amihanang bahin sa India samtang daghan pa ang gituohang naipit ilawom sa mga debris.
Base sa nagkatag nga video sa social media, makita ang kusog kaayong pagdagayday sa tubig nga may dala nga debris gikan sa bukid padulong sa baryo sa Dharali sa Uttar kashi District sa India.Madungog usab sa video ang kasaba sa mga nag panik nga mga residente nga tungod sa kakuyaw sa ilang kahimtang.
Ang kalit ug kusog nga pag-ulan sa gamay nga lugar nga gitawag og cloudburst kasagaran mahitabo sa Uttarkashi, usa ka rehiyon sa Himalayas nga pirmi bahaon ug nakasinate sa mga landslide matag monsoon season.Ang cloudburst adunay potensyal nga magdala og grabe nga kadaut tungod sa sobra nga pagbaha ug pagdahili sa yuta nga nakaapekto na sa liboan ka katawhan sa rehiyon.
Base sa weather agency sa India, gibanabana nga mas kusog pa nga mga pag-ulan ang muabot sa rehiyon sa mga umaabot nga adlaw.Nagpagawas na usab og abiso ang mga awtoridad sa pagkasela sa klase sa mga eskwelahan sa mga apektadong distrito.