Giila sa Guinness World Records ang usa ka manok sa Texas nga ginganlan og Pearl isip pinakamatiguwang nga buhing manok sa tibuok kalibutan human kini makaabot sa edad nga 14 ka tuig.
Gipaambit sa tag-iya nga si Sonya Hull nga si Pearl natawo niadtong Marso 13, 2011, ug gikumpirma sa Guinness ang iyang edad niadtong Mayo 22.
Usa kini ka talagsaong hitabo, diin kasagaran sa mga manok sama ni Pearl nga usa ka Easter-Egger hen, molungtad lamang og 5 hangtod 8 ka tuig ang kinabuhi.
Nagpuyo karon si Pearl sa laundry room sa ilang balay gumikan sa katiguwangon niini, apan mogawas kini panalagsa aron motan-aw og telebisyon ug moyukbo sa uban nilang mga hayop sama sa ilang iring ug itoy.
Matud pa dugay ng panahon nga niundang sa pangingitlog si Pearl, apan pagkahuman sa kining opisyal nga napasiduggan ug giila, namugos pa kini og usa ka itlog diin usa ka katingad-ang butang alang sa iyang edad.
Gipulihan ni Pearl ang kanhing rekord-holder nga si Peanut, usa usab ka manok nga namatay sa edad nga 21 niadtong Disyembre 2023.