Peter Cullen, ang Tawo sa Luyo sa Tingog ni Optimus Prime, Mipanaw na sa Edad nga 85

ENTERTAINMENT / SHOWBIZ — Mipanaw na sa edad nga 85 ang sikat nga Canadian voice actor nga si Peter Cullen—ang iladong tawo sa luyo sa tingog ni Optimus Prime nga lider sa Autobots sa Transformers—sumala sa taho gikan sa Bombo Radyo.

Gikumpirma sa iyang agent nga si Kevin Motley nga malinawong mitaliwan si Cullen sa iyang pinuy-anan sa Los Angeles, California nga gipalibotan sa iyang pamilya. Wala na gibutyag pa sa iyang kabanay ang tiunay nga hinungdan sa iyang pagpanaw.

Gawas sa paghatag og tingog kang Optimus Prime sugod pa sa 1980s animated TV series hangtod sa mga sikat nga live-action movies, nailhan usab si Cullen isip tingog ni Eeyore sa Winnie the Pooh ug ang tingog sa halimaw sa pelikula nga Predator (1987).