Gipadayag na usab ni US President Donald Trump ang iyang dako nga pagkadismaya batok sa mga kaalyadong nasod sa Europa tungod sa wala matod pa pagsuporta niini sa gihimong pag-atake sa Amerika batok sa Iran.
Gihimo ni Trump ang maong pamahayag atol sa iyang pakigtagbo kang North Atlantic Treaty Organization (NATO) Chief Mark Rutte didto sa White House. Matud sa presidente sa Amerika, dili man gyud nila kinahanglan ang tabang, apan mas maayo unta kung mipakita og dinalian nga inisyatiba o sa kaugalingon nilang pagbuot nga pagpaluyo ang maong mga nasod. Hayagan usab nga gihisgutan ni Trump ang iyang kahiubos ilabi na sa Italy, United Kingdom, ug Spain human sa makapilang higayon nga giingong kakuwang sa suporta niini sa ilang pakigbatok sa Iran.