Gimanduan ni Pangulong Ferdinand Marcos Jr. ang Department of Information and Communications Technology (DICT) ug sa Commission on Elections (Comelec) ang pagtukod sa 24/7 Threat Monitoring Center aron masiguro ang limpyo ug matinud-anon nga eleksyon karong umaabot nga Lunes, Mayo 12, 2025.
Kini ang unang higayon nga adunay 24/7 monitoring center nga adunay real-time digital command post nga tukma sa pagtan-aw ug pagtubag dayon sa mga hulga online.
Sumala ni Palace Press Officer Undersecretary Claire Castro, ang maong sentro gibuhat aron masuta, mapugngan, ug maundang na ang online misinformation ug disinformation nga mahimong makaguba sa kredibilidad sa eleksyon.
Pangunahan kini sa Cybercrime Investigation and Coordinating Center sa DICT uban sa Task Force Katotohanan, Katapatan ug Katarungan sa Halalan o Task Force KKK.
Dugang pa, gipasabot ni Castro nga ang maong lakang nagpamatuod sa kakugi ug panaghiusa sa tibuok gobyerno ug ang kamatuoran ang nahisgutan. Pinaagi sa maong lakang, gitbutyag ni Marbil nga walay kakulian nga natala sa umaabot nga eleksiyon.