Nagpahigayon ang Department of Social Welfare and Development (DSWD) Field Office X og pormal nga inagurasyon sa mga bag-o ug gi-upgrade nga imprastraktura saReception and Study Center for Children (RSCC) kagahapong adlawa, Mayo 7, 2026, aron mas mapalambo ang kahimtang sa mga kabataan nga ubos sa pag-atiman sa maong buhatan.
Lakip sa mga nahuman nga proyekto mao ang gi-renovate nga dulaanan, gipanindot nga Early Childhood Care and Development (ECCD) Room, ug ang bag-ong School-Age Unit for Boys nga gidesinyo aron maghatag og mas luwas ug komportable nga puy-anan alang sa pisikal, sosyal, ug sayo nga pagkat-on sa mga kabataan.
Ang maong kalihokan, nga gitambungan sa mga opisyal sa DSWD ug uban pang stakeholders, naghatag og gibug-aton sa ilang tinguha nga makahatag og kalidad nga pag-amuma ug usa ka “nurturing sanctuary” diin ang matag bata ubos sa ilang pagdumala makasinati og kaayuhan ug kalambuan.