Gitabla sa San Antonio Spurs ang ilang serye batok sa Minnesota Timberwolves human nila gipukan ang maong koponan pinaagi sa 38 puntos nga labaw, 133-95, sa nagpadayong NBA Western Conference semifinals.
Gipakita sa Spurs ang usa ka dominante nga dula gikan sa sinugdanan hangtod sa katapusan. Nangulo sa maong kadaugan ang batan-ong star nga si Victor Wembanyama kinsa nakatala og double-double performance nga 19 puntos ug 15 ka rebounds, bisan pa man og 26 minutos lamang siya nga nagduwa. Gitabangan usab siya ni Stephon Castle nga miamot og 21 puntos.
Tungod niini, patas na ang dagan sa serye sa 1-1. Ang Game 3 ug Game 4 gikatakdang ipahigayon didto na sa balwarte sa Minnesota, diin gilauman nga mosulay sa pagbawos ang Timberwolves human sa ilang makasaysayanong kapildihan.