Gipangunahan ni Jalen Brunson ang ulahing pagduso sa New York Knicks aron mapildi ang Philadelphia 76ers, sa iskor nga 108-102, ug nakakuha og 2-0 nga abante sa ilang NBA Eastern Conference semifinal series.
Bisan wala ang star player nga si Joel Embiid tungod sa right hip soreness ug right ankle sprain, nakahatag gihapon og kusog nga pakigbisog ang Sixers sa duwa nga adunay 25 ka lead changes diin nga labing daghan sa playoff game sulod sa 13 ka tuig.
Si Brunson nakatabang sa fourth quarter pinaagi sa pag-iskor og importanteng puntos aron masiguro ang kadaugan sa Knicks, nga nagtapos sa og 26 puntos.
Sa pikas bahin, mipakita usab og maayong duwa si Tyrese Maxey nga nakaiskor og 26 puntos alang sa Sixers, samtang si Paul George nakapuntos pinaagi sa lima ka three-pointers.
Nidugang usab si Karl-Anthony Towns sa kusog sa Knicks pinaagi sa 20 puntos, 10 rebounds ug pito ka assists, samtang si OG Anunoby adunay 24 puntos.
Sa ulahing bahin sa duwa, napakyas ang Philadelphia sa ilang shooting nga nakahatag higayon sa Knicks nga makapahilayo sa puntos.
Ang pagkawala ni Embiid, nga maoy dakong hinungdan sa ilang pagdaog batok sa Boston Celtics sa miaging hugna, dakong kabalaka karon sa Sixers samtang padayon ang serye sa Philadelphia karong Biyernes.