EU Crisis Chief, gikondena ang Israel sa padayon nga pag-atake sa mga ospital ug journalists sa Lebanon

Gikondena ni European Union Crisis Management Chief Hadja Lahbib ang nagpadayong pag-atake sa Israel sa Lebanon nga miigo sa mga hospital ug mga journalist, dungan sa paghatag og dinaliang panawagan alang sa dugang humanitarian aid taliwala sa nagkagrabe nga panagsangka sa Israel ug Hezbollah.

Sa usa ka pamahayag niini, gipasiugdahan ni Lahbib nga kinahanglan respetuhon ang internasyonal nga balaod sanglit daghan nang mga pasilidad sa panglawas ang naguba ug mga sakop sa media ang naangin sa walay hunong nga pagbinayloay og bala, hinungdan nga gikinahanglan ang paspas nga tabang aron maluwas ang mga inosenteng sibilyan.