11 ka tawo, patay sa airstrike sa Israel didto sa Gaza

Mikabat sa 11 ka tawo ang nakabsan sa kinabuhi human sa gipahigayong airstrike sa pwersa sa Israel sa nagkadaiyang bahin sa Gaza Strip. Base sa mga report gikan sa mga otoridad sa panglawas sa Gaza, ang maong pagpamomba naigo sa mga pinuy-anan sa mga sibilyan, diin pipila sa mga biktima ang gideklarar nga dead on arrival sa pag-abot sa tambalanan.

Gawas sa mga namatay, duna usab mga naangol nga gidala sa Al-Aqsa Martyrs Hospital alang sa dinaliang pagtambal. Padayon ang tensyon sa rehiyon samtang ang militar sa Israel nagkanayon nga ang ilang mga operasyon nakatutok sa mga target nga nalambigit sa militanteng grupo, bisan pa man sa nagkadaghang sibilyan nga naangin sa maong gubat.