Author sa children’s book sa US, gisentensiyahan og tibuok kinabuhi nga pagkabilanggo human gihiloan ang bana

Gisentensiyahan og tibuok kinabuhi nga pagkabilanggo nga walay parole ang Amerikanang awtor nga si Kouri Richins human mapalgang sad-an sa paghilo sa iyang bana niadtong 2022.

Sumala sa mga prosecutor, gipainom ni Richins ang iyang bana og cocktail nga adunay sobra-sobra nga dosis sa fentanyl aron makuha ang minilyon nga dolyar nga kabilin ug insurance. Human sa krimen, nagsulat pa siya og libro alang sa mga bata bahin sa pagdawat sa kaguol sa pagkamatay sa usa ka mahal sa kinabuhi aron tabon sa iyang gibuhat.

Bisan pa sa iyang paglimod, ang korte nagkanayon nga delikado siyang hatagan og kagawasan, ilabi na human ang iyang kaugalingong mga anak mipadayag sa ilang kahadlok kaniya didto sa korte.