Giila ug gipasidunggan sa Lokal nga Pangagamhanan sa Manolo Fortich ang dedikasyon sa 189 ka mga On-the-Job Training (OJT) trainees kinsa opisyal nga nakadawat sa ilang Certificate of Recognition atol sa usa ka seremonya sa ABC Hall, Tankulan.
Ubos sa pagpasiugda sa Human Resource Management Office (HRMO) ug sa pagtambong ni Mayor Rogelio N. Quiño, ang kalihukan nga nagdala sa temang “Honoring Excellence: Celebrating the Journey of Future Professionals” nagsilbing pasalamat sa munisipyo sa dakong kontribusyon sa mga estudyante gikan sa nagkalain-laing tunghaan nga nadeploy sa managlahing departamento.
Ang maong sertipiko nagsimbolo sa ilang kalampusan, determinasyon, ug kaalam nga ilang nakuha nga mag-andam kanila sa pagsulod sa tinuod nga kalibutan sa pagpanrabaho LGU-Manolo.