Gi-release na sa Department of Budget and Management kon (DBM) ang kinatibuk-ang ₱73,456,793,656 nga pondo alang sa dinalian nga pag-apod-apod sa mid-year bonus ngadto sa kapin 1.9 ka milyon ka mga empleyado sa gobyerno ug mga personnel sa militar karong adlawa, Mayo 15, 2026.
Subay sa pamahayag ni Budget Secretary Amenah F. Pangandaman, ang maong pundo gi-karga na ngadto sa nagkalain-laing ahensya sa kagamhanan, diin ang mga kwalipikadong kawani nga nakaserbisyo og dili moubos sa upat ka bulan sukad Hulyo sa miaging tuig ug anaa pa sa serbisyo makadawat og insentibo nga kaugbang sa usa ka bulan nga batakang sweldo.
Gilauman nga kining dako nga kantidad makahatag og dugang kadasig sa mga mamumuo sa gobyerno ug dako usab ang matabang niini sa pagpabaskog sa lokal nga ekonomiya pinaagi sa dugang nga kapasidad sa pagpalit sa mga konsumidor.