Wala’y Pilipino nga namatay sa Winter Storm Fern sa Estados Unidos- DFA

Gipahibalo sa Department of Foreign Affairs (DFA) nga wala’y Pilipino nga namatay tungod sa Winter Storm Fern nga miigo sa Estados Unidos.

Sumala sa DFA, wala silay nadawat nga report nga adunay namatay nga Pilipino, apan padayon gihapon ang ilang pahimangno sa mga Pilipino sa Amerika nga motawag sa 911 o sa lokal nga awtoridad sa ilang lugar kung adunay emerhensiya.

Samtang, base sa mga taho sa lokal nga media, kapin sa 30 ka tawo na ang namatay tungod sa winter storm nga nakaapekto sa halos katunga sa Estados Unidos, hinungdan sa pagkawala sa kuryente, pagkakansela sa daghang flights, ug dili pagpa-agi sa mga kalsada tungod sa baga nga niyebe.