VP Sara, tinawag nGa ‘chismis’ ang gikaingong papondo niini sa destabilisasyon batok sa gobyerno

Gihimakak ni Bise Presidente Sara Duterte ang mga pasangil nga usa siya sa mga nagpondo sa destabilisasyon batok sa gobyerno human siyang hinganlan sa beteranong brodkaster nga si Ramon Tulfo.

Sumala sa Bise Presidente, walay basihan ang maong akusasyon ug gitawag kini nga “chismis” tungod kay walay ebidensya nga nagpalig-on niini.

Apil usab sa mga ginganlan ni Tulfo ang igsoon ni VP Sara nga si Davao City 1st District Rep. Paolo “Pulong” Duterte ug ang kanhing gobernador sa Ilocos Sur nga si Chavit Singson, apan wala niya isulti kung asa gikan ang iyang impormasyon.

Sa laing bahin, nagpahibalo ang Malacañang nga ginasusi na sa Armed Forces of the Philippines (AFP) ang listahang gipagawas ni Tulfo.