Laing miyembro sa walhong grupo ang boluntaryong mitahan sa iyang kaugalingon ngadto sa mga otoridad kagahapong adlawa,Mayo 24, 2026 takna sa alas 9:40 sa buntag sa buhatan sa Bukidnon 1st Provincial Mobile Force Company (PMFC) nga nahimutang sa Barangay 7, Malaybalay City.
Ang operasyon gilusad sa mga operatiba sa Bukidnon 1st PMFC ubos sa pagpangulo ni Force Commander PLTCOL Dave E. Mahilum, kauban ang Malaybalay City Police Station, Cabanglasan Municipal Police Station, ug ang suporta gikan sa Bukidnon PPO Provincial Intelligence Unit ug Mindanao Area Police Intelligence (MAPIO).
Kini kabahin sa gipatuman nga Intel-Driven Internal Security Operation o Combat Operation OPLAN “OMAY.” Ang mitahan nga nailhan lamang sa alyas nga “Jan Jan” usa ka kanhi sakop sa Militia ng Bayan ubos sa gipahunong na nga GF89 sa SRC2, NCMRC sa CPP-NPA.
Sa pagkakaron, ang nahisgutang Friend Rescued (FR) ang gipailawom na sa custodial debriefing sa 1st Bukidnon PMFC, samtang giproseso na usab ang tanang dokumento aron ma-enroll kini sa Enhanced Comprehensive Local Integration Program (E-CLIP) alang sa umaabot nga ayuda gikan sa gobyerno.