Nagpabiling nag-una ang dakbayan sa Valencia ug Malaybalay sa tibuok probinsya sa Bukidnon nga adunay labing dako ug pinakadaghan nga kalampusan kalabot sa operasyon batok sa ilegal nga droga.
Kini human gipagawas ang report nga nagpakita sa sunod-sunod ug malampusong operasyon sa kapulisan ngadto sa nagkadaiyang munisipyo ug siyudad sa probinsya.
Matud sa kumpirmasyon ni PCapt. Sheila Joy hangad ang tigpamaba sa Bukidnon Police Provinvicial Office, nga sa tanang dapit sa Bukidnon, ang syudad sa Valencia ug Malaybalay ang nag-unang sentro diin natala ang mga dagkong pagkasikop sa mga indibidwal nga nlambigit sa pagpayuhot sa maong ilegal nga kontrabando.
Sa kinatibuk-an, mukabat sa 87 ka operasyon diin 81 ang nasikop sa gikan sa nagkadaiyang mga operasyon gipatuman batok sa mga ilegal nga kalihukan.
Lakip sa mga natukiban mao ang pagpayuhot sa ilegal nga droga, ilegal nga sugal, ug ang paghupot sa dili lisensyadong mga armas. Dugang pa niini, aduna usab nadakpan kalabot sa ilegal nga pagpamutol sa mga kahoy, ilegal nga panagat, ug ang pagpalusot og mga peke o smuggled nga sigarilyo.
Dugang pa opisyal aduna usab pipila ka miyembro sa walhong grupo ang mitahan sa kapulisan niadtong milabayang semana.