Tingkagol sa bilanggoan ang usa ka kwarenta’y uno (41) anyos nga lalaki human dinalian nga gironda sa kapulisan ang iyang panimalay pinaagi sa usa ka search warrant dinhi sa siyudad sa Malaybalay.
Sa opisyal nga report gikan sa Malaybalay Component City Police Station, natigayon ang maong operasyon didto sa Purok Uno (1), Barangay Magsaysay ning siyudad, pasado alas-onse kwarenta’y uno (11:41) sa buntag niadtong Mayo 24. Giila ang suspetsado nga si alyas “Nito Mario,” diin narekober gikan sa iyang posisyon ang usa ka 9mm pistol, usa ka .357 caliber revolver, mga buhing bala, magazine, ug mga holster.Ang malampusong pagronda gikasas sa Malaybalay PNP kauban ang Bukidnon 1st PMFC ug Provincial Intelligence Unit.
Sa pagkakaron, temporaryo nang gipreserba sa kustodiya sa maong buhatan ang nadakpan uban ang mga ebidensya alang sa saktong dokumentasyon samtang gihikay na ang dinalian nga pagpasaka og kasong paglapas sa Republic Act 10591 o ang Comprehensive Firearms and Ammunition Regulation Act batok sa dinakpan.