Gisiguro ni Vice President Sara Duterte nga magsumite og tubag sa Office of the Ombudsman kalabot sa mga kaso nga gisang-at batok kaniya.
Matud pa sa Bise Presidente, giabisohan na siya sa iyang mga abogado aron maandam na ang iyang opisyal nga kasulatan isip tubag sa mga alegasyon.
Nahimong isyu ang paggamit sa confidential funds, diin niadtong Hunyo 19, gimanduan siya sa Ombudsman nga motubag sa reklamo nga gipasaka sa House of Representatives.
Ang maong reklamo naglakip sa alegasyon sa dili hustong paggamit sa pondo sa iyang opisina sa office of the vice president.
Dugang pa ni Duterte, giandam na niya sukad pa sa miaging tuig ang iyang mga dokumento ug ebidensya aron atubangon ang posibleng impeachment trial.
Lakip usab sa atubangon niini mao ang summons gikan sa Senado, nga adunay deadline karong Hunyo 23. Gilauman nga motubag ang Bise Presidente sa takdang petsa.
Samtang sa pikas bahin, gisaway sa bise presidente ang dakong utang sa nasud sa Pilipinas.
Gibutyag niini nga mikabat na sa P16 trilyon ang kinatibuk-ang utang sa Pilipinas diin gikabalak-an sa bise presidente, nga ang maong krisis mamahimong masinatian sa mga musunod pa nga henerasyon.
Gikwestiyon usab niini og asa napadulong ang pondo nga giutang samtang walay protekto nga makita sa nasud.