Nadakpan sa mga otoridad ang usa ka 25-anyos nga lalaki human gisilbi ang warrant of arrest batok niini niadtong Abril 27, 2026, pasado alas-7:10 sa gabii didto sa Sto. Niño Village, Poblacion, Pangantucan.
Giila ni PCOL Oliver Sotto Navales, Provincial Director sa Bukidnon PPO, ang dinakpan nga si Jimboy Araneta Cordevilla, usa ka laborer ug residente sa maong dapit.
Ang operasyon gipahigayon sa mga personahe sa Pangantucan Municipal Police Station sa pagpanguna ni PCPT Christopher P. Tuzara II, kauban ang Bukidnon 2nd PMFC ug Bukidnon Provincial Intelligence Unit.
Si Cordevilla nasikop ubos sa gahum sa warrant of arrest alang sa paglapas sa Republic Act 9287 ( may kalabotan sa ilegal nga sugal) human napakyas sa pagtambong sa gikatakdang bista o Failure to Appear on the Scheduled Hearing.
Ang maong kaso narekord ubos sa Criminal Case No. 45135-25 nga gipagawas niadtong Abril 17, 2026, diin walay gitugot nga pyansa alang sa iyang temporaryong kagawasan.
Sa pagkakaron, ang dinakpan anaa na sa kustodiya sa Pangantucan MPS alang sa saktong dokumentasyon ug disposisyon.