178-M litro sa diesel, niabot na sa nasud –DOE

Niabot na sa nasud ang kinatibuk-ang 178 ka milyon ka litro sa diesel.

Kini  isip kabahin sa mga lakang sa kagamhanan aron mapalig-on ang suplay sa lana taliwala sa nagpadayong kagubot sa Middle East.

Matud sa Department of Energy  (DOE), ang maong kargamento maoy nagkompleto sa upat ka shipment ubos sa Executive Order No. 110 nga giluwatan ni Presidente Ferdinand Marcos Jr. aron maprotektahan ang ekonomiya batok sa pagbag-o-bag-o nga presyo sa lana sa world market.

Ang maong mga suplay gipang-apod-apod na sa mga dagkong hub sa Batangas, Subic, ug Davao aron masiguro nga adunay igong lana ang nagkalain-laing bahin sa nasod.