Nagpagawas og precautionary hold departure order (PHDO) ang Sixth Division sa Sandiganbayan batok kang Senador Francis Joseph “Chiz” Escudero ug usa ka pribadong indibidwal kagahapong adlawa Abril 27, 2026.
Base sa dokumentong gipagawas sa korte, gimandoan ang Commissioner sa Bureau of Immigration nga pugngan ang pagbiya sa nasud sa mga respondents.
Lakip sa gibutang sa Hold Departure List gawas sa senador mao si Maynard Siy Ngu, nga giila isip pribadong indibidwal.
Ang maong direktiba naggikan sa Verified Ex Parte Application alang sa pag-isyu sa PHDO nga gisumite sa Sixth Division sa korte.
Kasagaran, magpagawas og susama nga mando ang Sandiganbayan isip precautionary measure aron masiguro nga magpabilin sulod sa hurisdiksyon sa nasud ang mga indibidwal nga giimbestigahan o posibleng atubangon ang kaso.
Sa pagkakaron, gihulat pa ang opisyal nga pahayag gikan sa kampo ni Senador Escudero ug ni Ngu, lakip na ang kumpirmasyon gikan sa Bureau of Immigration kabahin sa implementasyon sa maong PHDO.