Gikumpirma ni Ukranian President Volodymyr Zelensky nga gisugyot sa Estados Unidos nga magbuhat og hinanaling solusyon aron tapuson ang panagbangi tali sa Ukraine ug Russia adisir muabot ang Hunyo 2026.
Matud pa ni Zelensky, gisugyot sa US nga mamahimong nagkita ang negotiating teams sa Ukraine ug Russia sa unang higayon sa Estados Unidos, partikular na sa Miami, sunod semana, diin gikumpirma ni Zelensky ang ilang partisipasyon.
Kahinumodman nga dugay na nga giduso ni US President Donald Trump ang pagpahunong sa panagbangi.
Samtang, padyon pa ang pag-atake sa Russia sa energy infrastructure sa Ukraine, nga miresulta sa halapad nga blackout taliwala sa labing bugnaw nga panahon.
Giangkon usab ni Zelensky, nga sa ikaduhang hugna sa US-brokered peace talks sa Abu Dhabi, nagpabiling lisod ang isyu nga atubangon sa duha ka nasud sama sa territorial concessions.
Gihisgutan usab ang posibilidad sa trilateral meeting tali sa mga lideris, apan kinahanglan matud pa ang preparatory elements.
Base sa natala sa Ukraine, ang pinakabag-ong halapad nga drone ug missile strikes sa Russia, miabot na sa 400 drones ug 40 missiles ang nagamit.
Gikaingong target matud pa niini ang enrgy grid, generation facilities, ug distribution substations sa upat ka rehiyon sa nasud.
Padayon usab ang retaliatory strikes sa Ukraine batok sa Russia, lakip na ang pagtarget sa missile fuel factory sa Tver region ug oil depot sa Saratov region sa Russia.