Nakigpulong kang Ukrainian President Volodymyr Zelenskyy sa Kyiv ang mga emisaryo sa US nga sila Jared Kushner ug Steve Witkoff aron hisgutan ang pagtapos sa gubat tali sa Ukraine ug Russia.
Gihimo ang panagtigom kagahapong adlawa, usa ka adlaw human nakigkita ang duha ka opisyal kang Russian President Vladimir Putin sa Moscow.
Gipasalamatan ni Zelenskyy ang delegasyon, samtang gihulagway ni Witkoff nga maayo ug makahuluganon ang ilang diskusyon.
Matud ni Kushner, tumong ni US President Donald Trump ang paghimo sa kondisyon alang sa malungtarong kalinaw.
Mitambong usab ang mga national security adviser sa UK, France ug Germany isip pagpakita sa suporta sa Ukraine.
Bisan pa sa temporaryong paghunong sa pag-atake sa Kyiv ug Moscow, nagpadayon ang panagsangka ug drone attacks sa ubang lugar.