Duha ka lalaki ang nadakpan sa joint buy-bust operation tungod sa kasong paglapas sa Republic Act 10591 o Comprehensive Firearms and Ammunition Regulation Act sa Purok 3, Barangay Osmeña, Dangcagan, Bukidnon kagahapong adlawa, ning kasamtangang tuig.
Ang mga nadakpan usa ka 41 ug 48 anyos, nga nasikop sa kapulisan takna sa alas-4:58 sa hapon.
Nakumpiska gikan kanila ang usa ka caliber .357 revolver nga walay klarong brand ug usa ka cellphone, lakip ang mga marked money nga gigamit sa operasyon.
Gipadala ang nakumpiskang armas sa Provincial Forensic Unit alang sa ballistic examination, samtang giandam na ang kaso batok sa duha alang sa pagsang-at sa korte.
Gikustodiya karon sila sa Dangcagan Municipal Police Station alang sa dokumentasyon ug hustong disposisyon.