US andam mu-supply og Patriot Missile Defense alang sa Ukraine

Gikonsidera ni US President Donald Trump ang paghatag og suplay nga Patriot air-defense missiles sa Ukraine.

Tumong niini  ang pagtabang sa Ukraine aron  maprotektahan ang ilang nasod batok sa mga pag-atake sa Russia.

Ang maong desisyon nahisgutan human sa nahitabong panaghisgot tali nila Trump ug Ukraine President Volodymyr Zelensky, diin pareho mitambong sa North Atlantic Treaty Organization (NATO) summit nga gipahigayon sa The Hague, Netherlands.

Malinawon ang ilang panaghisgot, dili sama sa una nga pagkita nga diin tensiyonado ang kahimtang.