Gibatikos ni German Chancellor F Friedrich Merz ang United States tungod sa nagpadayon nga tensyon sa Iran, diin sumala pa niiini nga daw naulawan ang Washington taliwala sa nagkagrabeng krisis sa Middle East.
“An entire nation, the U.S., is being humiliated by Iran’s leadership,” ani Merz sa mga estudyante sa Marsberg.
Sumala kaniya, dili klaro ang estratehiya sa U.S. sa kasamtangang sitwasyon ug kulang kini og direksyon sa pakighinabi sa Iran.
“Iran is much stronger than expected, and the U.S. lacks a persuasive strategy in negotiations,” saad pa ni Merz.
Gipasabot usab sa opisyal nga importante sa bisan unsang gubat ang klaro nga plano ug dili lang sa pagsugod kundi lakip na sa pagtapos niini.
Gitandi niini ang kasamtangang kahimtang sa mga nangaging gubat sa Amerika sa Afghanistan ug Iraq, nga matod niya nga gasto ug nagresulta sa taas nga tensyon sa Middle East.
Gipunto usab sa Chancellor nga dako ang epekto sa krisis sa ekonomiya sa Germany ug sa Europa, labi na sa enerhiya ug gasto sa gobyerno.
Dugang pa niini, direkta niyang gipahibalo ang iyang kabalaka kang U.S. President Donald Trump ug miingon nga mas kusog pa ang iyang pasidaan kung nahibal-an niyang mosamot pa ang sitwasyon.
Samtang, gipahibalo usab ni Merz nga andam ang Germany nga magpadala og mine-clearing vessels aron motabang sa pag-abli sa Strait of Hormuz, apan kinahanglan una nga mohunong ang away sa dili pa kini matuman.