Nagmalampuson ang hiniusang operasyon sa Malaybalay City Police Station ug Task Force PWASOH batok sa mga smuggled nga sigarilyo niadtong Abril 27, 2026, sa Barangay 1, Malaybalay City.
Usa ka 40-anyos nga lalaki ang nasikop human naaktuhan nga namaligya og mga sigarilyo nga walay tukmang health warnings gikan sa gobyerno. Miabot sa 50 ka pakete sa mga brand nga New Orleans, Delta, ug Commando ang nakumpiska nga adunay kinatibuk-ang balor nga PhP4,000.00.
Kini nga lakang subay sa pagpatuman sa Malaybalay City Ordinance 885 o ang “Smoke-Free” Ordinance aron masiguro ang pagsunod sa mga lagda sa panglawas.
Ang dinakpan giisyuhan na og citation ticket ug gidala sa buhatan sa kapulisan alang sa tukmang dokumentasyon ug disposisyon sa mga ebidensya.