Upat ka giingong miyembro sa North Central Mindanao Regional Committee (NCMRC) sa New People’s Army (NPA), lakip ang ilang sekretaryo nga giila sa alyas “Reda”, ang napatay sa sunod-sunod nga engkwentro batok sa militar sa Sitio Bakingking, Esperanza, Agusan del Sur. Subay sa taho ni LTC Jeorge R. Jallorina sa 8th Infantry Battalion, unang nakigbakbakan ang 36th Infantry Battalion sa maong grupo niadtong Septyembre 10, diin misunod ang lima pa ka subling engkwentro niadtong Septyembre 12 taliwala sa nagpadayong paggukod sa 401st Infantry Brigade.
Napatay sa operasyon si alyas Reda nga gitudlong sekretarya sa NCMRC, kauban silang alyas “Naky” nga taga-Quezon, Bukidnon, ug alyas “Boyboy” nga taga-Hingoog. Narecover usab sa militar ang lima ka mga bug-at nga armas sa maong dapit.
Giproseso na sa SOCO Caraga ang mga patay nga lawas alang sa pormal nga pag-ila, samtang nagpadayon ang clearing ug pursuit operation sa militar batok sa mga nahibiling miyembro sa maong grupo.