Gipadayag sa usa ka law expert nga nakapahuyang sa kredibilidad sa testigo ug sa gipresentar nga ebidensiya sa depensa ang paggamit sa terminong “loose investment” sa pagpasabot sa pagdawat ni Vice President Sara Duterte og kuwarta nga nalambigit sa Gencorp Industries.
Matud ni Atty. Oscar S. Moreno, law professor ug corporate lawyer, walay legal nga depinisyon ang maong termino ug ang usa ka investment kinahanglan adunay klarong kinaiya ug basihan.
Iyang gikuwestiyon ang paghulagway niini isip “loose investment” tungod kay wala kini makahatag og klarong pagpasabot sa transaksiyon.
Gipasabot sa eksperto nga bisan giingong walay shareholding, pagka-direktor o pagkamiyembro sa komite si Vice President Sara Duterte sa Gencorp ug Metro Town, apan migawas sa cross-examination nga adunay investment nga gitawag lamang og “loose investment.”
Matud niini, nakita nga walay klarong legal nga termino alang niini ug gilauman niyang mas tukma unta ang pagpasabot sa transaksiyon, ilabi na kay abogado ang testigo.
Tungod niini, gikwestiyon ni Moreno kon unsay basihan sa pagbayad og kapin sa 2.4 milyong pesos ngadto sa Bise Presidente, bisan wala kini opisyal nga nalista isip shareholder ug walay gipahayag nga dividends.
Matud niini, wala kini matubag sa testimonya ni Atty. Suzette Balucanag-Punay, in-house counsel sa Gencorp Industries ug Metro Chow.