Unom ka mga estudyante ang kumpirmadong patay samtang unom ang nasamdan human nahugno ang lima ka andana nga hostel sa Satya Niketan, New Delhi, India niadtong Domingo.
Matud sa mga otoridad, kapin 12 ka tawo ang naluwas sa mga rescuer, apan padayon pa ang pagpangita sa uban nga posibleng natanggong sa natumpag sa building.
Giingon sa mga lokal nga kapin 55 anyos na ang estruktura ug pipila na ka bulan nga gi-renovate.
Posibleng nakasamot sa pagkahugno ang tubig nga natipon sa silong ug ang nagpadayong pagpaayo sa estruktura.
Tungod sa insidente, giplano sa gobyerno sa India ang paghimo og polisiya alang sa regular nga pag-inspeksyon ug pag-isyu og sertipiko sa kaluwasan sa mga gusaling gigamit sa publiko, lakip ang mga puy-anan sa mga estudyante, eskwelahan ug unibersidad.