Lalaki sa China, nakakwarta sa pagkatol sa uban tao

Nahimong negosyo sa 32-anyos nga si Zhang Xiaoqiao sa Shenzhen, China, ang pagkatol sa likod ug uban pang bahin sa lawas sa mga kostumer nga adunay gibating katol.

Gitukod niya ang Suma, usa ka serbisyo sa pagpahayahay diin mohigda sa patag ang kostumer samtang hinay nga kamoton ang katol nga bahin sa lawas.

Mokabat sa 300 yuan o kapin P2,800 kada oras ang bayad.

Matud ni Zhang, makatabang usab ang serbisyo sa pagpahayahay ug pagkunhod sa tensiyon.

Sulod lamang sa pipila ka bulan, nakaabli na ug duha ka branch sa Suma ug mokabat sa 100,000 yuan kada bulan ang hiniusang kita niini.

Plano ni Zhang nga makapadaghan pa sa Suma ngadto sa 100 ka bracnhes sa tibuok China ug gusto niyang mailhan ang pagkatol isip usa ka lehitimong panginabuhian.