Gipatawag sa European Union ug sa pipila ka nasud sa Europa sama sa Germany, Norway, Netherlands, Poland, ug Sweden ang mga representante sa Russia human manghulga ang Moscow og posibleng pagpangatake sa mga military facility ug decision-making centers sa Kyiv, samtang nagaawhag usab sa mga langyaw ug diplomat nga mubiya sa kaulohan sa Ukraine.
Kusganong gisaway sa EU ang maong lakang isip usa ka “unacceptable escalation” apan gipahayag nga magpabilin gihapon ang ilang delegasyon sa Kyiv, samtang ang Norway ug Poland naniid usab ug nanawagan nga hunongon ang maong agresyon.
Sa laing bahin, gihimakak sa Russia ang mga pasangil pinaagi sa pag-ingon nga “surgical strikes” lamang ang gihimo isip tubag sa giingong “terrorist attacks” sa Ukraine didto sa Luhansk nga nikalas og 21 ka kinabuhi—usa ka pasangil nga gihimakak sa Ukraine nga nag-ingon nga usa lang ka Russian drone unit ang tinuod nga gitarget.