HomeSportsFIFA, naggahin og kapin P1.6-B aron mapalambo ang football games sa Pilipinas

FIFA, naggahin og kapin P1.6-B aron mapalambo ang football games sa Pilipinas

- Advertisement -

Pormal nang gipirmahan ang kasabutan tali sa FIFA, Philippine Sports Commission (PSC) ug Philippine Football Federation (PFF) alang sa pagpalambo sa football sa nasud, lakip ang dakong pagsaayo sa Rizal Memorial Stadium nga sugdan sa 2027.

Gilagdaan mismo ni FIFA President Gianni Infantino ang memorandum of agreement (MOA) kauban nila Executive Secretary Ralph Recto, PSC Chairman Patrick Gregorio ug PFF President John Gutierrez.

Ubos sa kasabutan, mohatag ang FIFA og 25 million dollars o kapin P1.6 billion nga pondo alang sa pagpalig-on sa football sa Pilipinas.

- Advertisement -

Gikan niini, 13 million dollars o kapin P831 million ang igahin sa komprehensibong pagsaayo sa Rizal Memorial Football Stadium nga walay gastuhon ang gobyerno.

Matud ni Infantino, mahimong bililhong kabtangan sa nasud ang maong estadyum diin mahimong moduwa ang mga football player gikan sa nagkadaiyang nasud.

Gilauman nga pinaagi sa maong proyekto, mas mapalambo ang football sa Pilipinas ug mas mapataas ang garbo sa mga Filipino sa ilang nasud.

- Advertisement -
RELATED ARTICLES
- Advertisment -

MORE NEWS