HomeEntertainment570 ka fans ni Rocky Balboa sa Philadelphia, nakab-ot ang Guinness World...

570 ka fans ni Rocky Balboa sa Philadelphia, nakab-ot ang Guinness World Record

- Advertisement -

Nakab-ot sa 570 ka mga fans sa fictional boxer nga si Rocky Balboa ang bag-ong Guinness World Record human nagtigom ug nagsul-ob og managsamang sinina sa Philadelphia, Estados Unidos.
Gipahigayon ang maong panagtigom niadtong Nobyembre 13 sa hagdanan sa Philadelphia Museum of Art, nga nahimong bantogan tungod sa sikat nga salida nga Rocky.

Nagsul-ob ang mga partisipante og abohon o gray sweatshirt, jogging pants, itom nga bonnet ug taas nga itom nga sapatos, nga susama sa sinina nga gisul-ob sa karakter sa maong salida.

Opisyal nga nabuak sa bag-ong rekord ang kanhing 250 ka partisipante, human maihap ang 570 ka mga tawo nga miapil sa kalihokan.

- Advertisement -

Kabahin kini sa pagsaulog sa ika-50 nga anibersaryo sa pelikulang Rocky, nga unang gipasalida niadtong 1976 ug gibidahan ni Sylvester Stallone.

Human makumpirma ang rekord, misubay usab sa sikat nga eksena sa salida ang mga partisipante pinaagi sa pagsaka sa 72 ka ang-ang sa hagdanan.

- Advertisement -
RELATED ARTICLES
- Advertisment -

MORE NEWS