ang bag-ong Assistance to Individuals in Crisis Situation (AICS) satellite office sa SM City CDO Uptown niadtong Nobyembre 16, 2026 aron mas mapaduol ug mapadali ang pagkuha og pinansyal nga tabang sa publiko.
Dinhi na iproseso ang tanang aplikasyon alang sa medical, burial, transportation ug uban pang pinansyal nga ayuda imbis sa DSWD-10 Regional Office.
Gipahigayon ang inagurasyon uban sa panalangin ni Rev. Fr. Isagani Autentico, diin mitambong si Regional Director Glofelia J. Uayan ug ubang opisyal sa DSWD ug SM City.
Gibalhin usab sa bag-ong opisina ang WiSUPPORT service aron mapadayon ang psychosocial support alang sa mga kliyente.
Matod ni Uayan, mas lapad ang lugar ug mas sayon kining maadtuan tungod sa estratehikong lokasyon duol sa main road ug mga terminal sa pampublikong sakyanan.
Abli ang opisina gikan Lunes hangtod Biyernes, gawas sa holiday, alas-7:00 sa buntag hangtod alas-5:00 sa hapon.

